Домодедовани сотиш бўйича кимошди савдоси харидорлар йўқлиги сабабли ўтказилмади
Домодедово аэропортини 132 млрд рублга сотиш бўйича электрон савдолар ўтказилмади. Бу ҳақда РБК хабар бермоқда.
Нашр маълумотларига кўра, аукционга якка тартибдаги тадбиркор Евгений Богатийдан фақат битта ариза келиб тушган. Комиссия эркакни савдога қўймади, чунки у барча ҳужжатларни тақдим этмаган.
2025 йил июнь ойида Домодедово аэропорти Москва вилояти Арбитраж суди қарори билан давлат мулкига ўтказилди. Суд аэропорт бенефициарлари бошқа давлатлар (Туркия, БАА ва Исроил) резидентлари бўла туриб, мамлакат учун стратегик активларга эгалик қилганликларини ва фойдани чет элга олиб чиқиб кетганликларини тан олди, бу эса Россия Федерацияси қонунчилигини бузади.
Ўтган йил охирида Россия молия вазири Антон Силуанов Домодедовани хусусийлаштириш бўйича аукцион 2026 йил бошида бўлиб ўтишини, потенциал инвесторлар топилганини айтганди. Январь ойи ўрталарида Домодедово 132 миллиард рублга "Авито"га сотувга қўйилди.