Давид Трезеге «Ривер Плейт» раҳбариятига қайтди ва иш бошлайди

Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага яна қайтди. У аввалроқ «Ривер Плейт» сафида ҳам тўп суриб, ҳатто мамлакат иккинчи лигасида чемпионликни қўлга киритган эди. Бу ҳақда euro-football.ru хабар беради.

Эндиликда Трезеге Буэнос-Айресдаги клубда майдондан ташқарида ишлайди — у «Ривер Плейт» раҳбарияти таркибига қўшилмоқда. Клуб собиқ футболчини бутун бошқарув жамоаси иштирокида тантанали тарзда таништирди.

Трезегега аниқ қандай лавозим берилгани расман очиқланмади. Шунга қарамай, у стратегик масалалар билан шуғулланиши ҳамда «Ривер Плейт»ни институционал даражада вакиллик қилиши маълум қилинди.

Эслатиб ўтамиз, француз футболчи профессионал фаолиятини 2015 йилда якунлаган.