«Реал Овьедо» мураббийи Ямални бошқа галактикадан деди
«Реал Овьедо» бош мураббийи Гильермо Алмада «Барселона» вингери Ламин Ямалнинг ўйини ҳақида фикр билдирди. Ла Лиганинг 21-турида каталонияликлар ўз майдонида 3:0 ҳисобида ғалаба қозонди, Ямал эса чалқанча услубдаги зарбаси билан гол урди. Бу ҳақда euro-football.ru хабар беради.
Алмада Ямални тенги йўқ иқтидор сифатида таърифлади. Мураббийга кўра, у жуда ёш бўлишига қарамай, якка ўзи ўйин тақдирини ўзгартира олади ва бу сафар ҳам «Реал Овьедо»ни айнан Ямалнинг ҳаракатлари жазолади.
Учрашувдан кейин «Барселона» Ла Лига жадвалида 52 очко билан пешқадам бўлиб турибди, «Реал Овьедо» эса 13 очко билан сўнгги ўринда қолмоқда.