Глеб Ганчаренко Беларусни Европа чемпионатига олиб чиқиши қийин дейди
«Барселона»нинг собиқ ярим ҳимоячиси Александр Глеб Виктор Ганчаренко қўл остидаги Беларусь терма жамоасининг имкониятлари ҳақида фикр билдирди. Бу ҳақда euro-football.ru хабар беради.
Глебнинг таъкидлашича, Ганчаренко учун Беларусни Европа чемпионатига олиб чиқиш осон бўлмайди. У терма жамоада ишлаш билан клубдаги мураббийлик бутунлай бошқа-бошқа вазифа эканини эслатиб, Виктор Михайлович янги ролга қандай мослашишини вақт кўрсатишини айтди.
Шу билан бирга, собиқ футболчи ҳар қандай ҳолатда ҳам жамоа ва мураббийни қўллаб-қувватлашини билдирди. Глеб Ганчаренко билан Беларусь терма жамоаси олдинга қадам ташлашига умид қилмоқда.
Эслатиб ўтамиз, беларуслар АҚШ, Канада ва Мексикада бўлиб ўтадиган яқинлашиб келаётган жаҳон чемпионатига йўлланма ололмади.