«Реал»да Арбелоа билан икки фронтда ғалабага ишонч бор
Мадриднинг «Реал» клубида кайфият яна кўтаринки. Икки ҳафта аввал бош мураббийликка Алваро Арбелоа тайинланди, у ишдан олинган Хаби Алонсонинг ўрнини эгаллади. Кадрлар ўзгаришидан кейинги илк ўйин муваффақиятсиз чиқиб, Испания Кубогида «Албасете»га ютқазилди. Бироқ шундан кейин жамоа кетма-кет уч учрашувда рақибларини йирик ҳисоблар билан таслим этиб, жами 10:1 натижани қайд этди. Бу ҳақда euro-football.ru хабар беради.
El Chiringuito хабарига кўра, «қироллик клуби» ичида Арбелоа бошқарувидаги «Реал» Ла Лига ва Европа Чемпионлар лигасида бир вақтнинг ўзида зафар қучишга қодир, деган ишонч кучли. «Реал» бундай дублдан охирги бор 2024 йилда Карло Анчелотти даврида фойдаланган эди.
Ҳозирда «Реал» чемпионат жадвалида иккинчи ўринда бормоқда ва «Барселона»дан атиги бир очко ортда қолмоқда.