Канчельскис ЖЧ-2026даги 48 жамоа ғоясини танқид қилди

Россия терма жамоасининг собиқ ҳужумчиси Андрей Канчельскис «Евро-Футбол.Ru» нашрига берган интервьюсида яқинлашиб келаётган 2026 йилги жаҳон чемпионати ҳақида фикр билдирди. Бу ҳақда euro-football.ru хабар беради.

Унинг айтишича, турнирда жамоалар сонининг кескин кўпайиши мусобақа сифати ва қизиқишига салбий таъсир кўрсатиши мумкин. Канчельскис мисол тариқасида, кучли терма жамоалар — масалан, Испания ёки Германия — Кюрасао каби рақибларни йирик ҳисобда ютиши эҳтимоли юқорилигини, бироқ бундай ўйинлар томошабинни унчалик жалб қилмаслигини таъкидлади. Унинг фикрича, иштирокчилар сони кўпайиши интрига ва кутилмаган натижалар улушини камайтиради.

Маълумот учун, 2026 йилги жаҳон чемпионати АҚШ, Мексика ва Канадада бўлиб ўтади. Мусобақа 11 июндан 19 июлгача ўтказилади ва унда рекорд даражадаги 48 та терма жамоа қатнашади.