Н’Голо Канте «Ал-Иттиҳод»дан «Ал-Наср»га ўтиши мумкин

«Ал-Иттиҳод» ярим ҳимоячиси Н’Голо Канте Саудия Арабистонида клубини ўзгартириши эҳтимоли бор. Бу ҳақда euro-football.ru хабар беради.

«Ал-Наср»нинг юридик бўлими собиқ директори Саад Ал Субайи маълумотига кўра, жамоа франсуз таянч ярим ҳимоячисини таркибга қўшишга қизиқмоқда. Келишув январ ойи охиригача якунланиши мумкин.

Канте 2023 йилда «Челси»дан эркин агент сифатида «Ал-Иттиҳод»га келганди. Унинг амалдаги шартномаси 2026 йил 30 июнгача мўлжалланган. Жорий мавсумда франсуз футболчи барча мусобақаларда 25 ўйин ўтказиб, 2 гол урди ва 1 ассист қайд этди. Transfermarkt портали ярим ҳимоячини 4,5 миллион еврога баҳоламоқда.