Рафинья Анчелоттининг иш услубидан ҳайратда қолди
Бразилия терма жамоаси вингери Рафинья бош мураббий Карло Анчелоттининг жамоага таъсири ҳақида фикр билдирди. Бу ҳақда euro-football.ru хабар беради.
Футболчининг айтишича, италиялик мутахассиснинг ишлаш услуби уни жиддий ҳайратда қолдирган. Рафинья Анчелоттининг футболчиларга жуда яқин бўлиб, доимий мулоқотда ишлаши жамоа учун катта фарқ яратганини таъкидлади. Унинг келиши билан терма жамоа ичидаги алоқалар яна изга тушган.
Келаси ёзда Анчелотти бошқарувидаги Бразилия терма жамоаси жаҳон чемпионатида иштирок этади. Гуруҳ босқичида “селесао” Марокаш, Гаити ва Шотландияга қарши майдонга тушади. Ушбу гуруҳда бразилияликлар асосий фаворит сифатида кўрилмоқда.
Аввалги мундиалда Бразилия чорак финал босқичида мусобақани тарк этганди.