Салоҳ агенти «Ал-Иттиҳод» билан музокара олиб бормоқда
Ёзги трансферлар даврида ҳужумчи Муҳаммад Салоҳ клубини ўзгартириши эҳтимоли бор. Арне Слот билан аввал кузатилган келишмовчиликлар ва жорий мавсумдаги унчалик ишончли бўлмаган ўйинлар мисрлик футболчининг келажаги борасидаги қарашларига таъсир қилмоқда. Манбаларга кўра, у шартномаси якунланишига бир йил қолганида ҳам «Ливерпул»ни тарк этиши мумкин. Бу ҳақда euro-football.ru хабар беради.
Foot Mercato хабарига кўра, Салоҳнинг агенти аллақачон Саудия Арабистонининг «Ал-Иттиҳод» клуби билан музокаралар олиб бормоқда. Ўтган йилгидан фарқли равишда, Муҳаммад Саудия чемпионатига кўчиб ўтиш вариантига ҳозир анча очиқ қарамоқда.
Ёзда Муҳаммад Салоҳ 34 ёшга тўлади. Transfermarkt портали ҳужумчини 30 миллион евроға баҳоламоқда.