The Athletic талқинида тарихнинг энг зўр футболчилари рейтинги эълон қилинди
Ижтимоий тармоқларда The Athletic нашри тузган тарихдаги 100 нафар энг кучли футболчи рўйхати кенг муҳокамаларга сабаб бўлмоқда. Бу ҳақда euro-football.ru хабар беради.
Рейтингнинг илк ўнлиги қуйидагича: Лионел Месси, Диего Марадона, Пеле, Йоханн Кройф, Криштиану Роналду, Альфредо ди Стефано, Франс Беккенбауэр, Зинедин Зидан, Ференц Пушкаш ва Мишел Платини.
Бундай рўйхатларни мутлақо холис тузиш қийин экани қайд этилмоқда. Reddit’даги изоҳларда футбол ишқибозлари ўртасида қизғин баҳслар авж олди: айримлар уч карра жаҳон чемпиони бўлган Пеле нега фақат учинчи ўринга қўйилганидан норози.
Шунингдек, дарвозабонлар орасида афсона саналадиган Лев Яшин ушбу рейтингда 18-поғонадан жой олди.