Жезуш Роналдуга дам берди, у навбатдаги ўйинни ўтказиб юборади

"Ал-Наср" бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлаб берди. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигаси доирасида "Аркадаг"га қарши ўйнайди. Португалиялик ҳужумчи тез орада майдонга қайтиши кутилаётган бўлса-да, бу сафар ҳам у қайдномадан жой олмайди.

Жезушнинг айтишича, жамоа тиғиз тақвим сабаб Роналду ва асосий таркибдаги бир қатор футболчиларга дам беришга қарор қилган. Мураббий бунинг асосий сабаби сифатида олдинда турган "Ал-Фатеҳ"га қарши муҳим баҳсни кўрсатди.

"Ал Наср Zone" келтирган иқтибосда Жезуш Роналдуга дам бериш янгилик эмаслигини таъкидлади: юлдуз футболчи Саудия Арабистонидан ташқарида ўтадиган ўйинларда илк бор эмас, яна бир бор иштирок этмаяпти.

Саудия чемпионатидаги "Ал-Фатеҳ" – "Ал-Наср" учрашуви шанба, 14 февраль куни бўлиб ўтади.