Паненка машҳур пеналтеси ҳақида ўз фикрини билдирди

Афсонавий футболчи Антонин Паненка унинг номи билан боғлиқ пеналти услуби рақибни камситиш деган қарашларга қўшилмади. У бу зарбани илк бор Европа чемпионати-1976 финалида амалга оширгани билан тарихда қолган. Бу ҳақда euro-football.ru хабар беради.

Паненканинг айтишича, бундай қарор майдонда масхара қилиш учун эмас, балки энг ишончли гол уриш йўли сифатида қабул қилинади. «Бу рақибга ҳурматсизликми? Мен бунга қўшилмайман. Ўша пайт мен учун энг эҳтимолли гол уриш йўли шу эди. Европа чемпионати финалида рақиб устидан кулишни ўйламайсан. Мен футболни яхши кўраман ва ҳеч ким устидан кулишни истамаганман. Мен буни гол уришнинг энг яхши усули деб билдим», — деди Паненка Cadena SER радиосининг El Larguero дастурида.

Шунингдек, у аввалроқ ўз фикрича, Браим Диас Африка миллатлар кубоги финалида нега «паненка» услубида гол ура олмагани ҳақида ҳам изоҳ берганди.