«Манчестер Юнайтед» мураббий танловида ҳозирча қарорини ойдинлаштирди
Майкл Кэррик бошчилигида «Манчестер Юнайтед» Англия Премьер-лигасида тўртта ғалаба ва битта дуранг қайд этди. Бироқ ижобий натижаларга қарамай, у жамоанинг тўлақонли бош мураббийи бўлиш учун асосий номзодлар қаторида кўрилмаяпти, деб ёзади Sky Sports. Бу ҳақда euro-football.ru хабар беради.
Манбага кўра, клуб ёзда мураббийлик курсисини тажрибали ва кучли характерга эга мутахассисга топширишни афзал билмоқда — айнан шундай мураббий юзага келиши мумкин бўлган қийинчиликларни бошқариб кета олади.
Кэррик клубни яхши билади, аммо обрў-эътибор масаласида Карло Анчелотти ёки Томас Тухел каби эҳтимолий номзодлардан ортда қолаётгани таъкидланади.
Шу билан бирга, агар «Манчестер Юнайтед» Европа Чемпионлар лигасига йўл олса, Кэррикнинг лавозимда қолиш имконияти сезиларли даражада ошиши қайд этилган.