Роналдунинг зал машғулотига қизи ҳам қўшилди
Криштиану Роналдунинг жуфти Жоржина Родригес ижтимоий тармоқларда янги сурат улашди. Унда 41 ёшли ҳужумчи спорт залида гантеллар билан машқ қилаётгани акс этган. Бу ҳақда euro-football.ru хабар беради.
Футболчининг ёнида унинг қизларидан бири ҳам бор: у ҳам гантел кўтариб машқ қилмоқда, фақат кичикроқ ва пушти рангдаги жиҳоз билан. Родригес суратга “Дада” деб изоҳ қолдирган.
Аввалроқ Жоржина Роналдуни туғилган куни билан табриклаган пост ҳам эълон қилганди. Қизиқ томони, табрик футболчининг 41 ёшга тўлишидан бир кун ўтиб жойлаштирилган.
Шунингдек, Роналду “Ан-Наср”нинг сўнгги бир нечта ўйинларини ўтказиб юборди. Матбуотда португалиялик футболчи клуб бошқарувидан норози бўлгани учун учрашувларни бойкот қилаётгани ҳақида хабарлар тарқалган.