«Интер» Мхитарян билан шартномани узайтириш устида ишламоқда
«Интер» ярим ҳимоячи Генрих Мхитарянни жамоада олиб қолиш ниятида. Бу ҳақда euro-football.ru хабар беради.
Tuttosport хабарига кўра, Милан клуби 37 ёшли футболчига янги, қисқа муддатли келишув таклиф қилиш вариантини кўриб чиқмоқда. Мазкур шартнома 2027 йил 30 июнгача мўлжалланиши мумкин. Ҳозирда Мхитаряннинг «Интер» билан амалдаги битими 2026 йил 30 июнгача кучга эга.
Мхитарян 2022 йилда «Рома»дан эркин агент сифатида «Интер»га келиб қўшилган. Жорий мавсумда у барча мусобақаларда 24 та учрашувда майдонга тушиб, 1 та гол урди ва 1 та голли пас берди. Transfermarkt портали футболчининг қийматини 3,5 миллион еврога баҳоламоқда.