Киммих Упамеканога «Бавария»да қолиб шартномани узайтиришни тавсия қилди
«Бавария» ярим ҳимоячиси Йозуа Киммих жамоа ҳимоячиси Дайо Упамеканонинг келажаги борасида фикр билдирди ва у билан шартномани узайтириш масаласи ҳақида бир неча бор гаплашганини айтди. Бу ҳақда euro-football.ru хабар беради.
Киммихнинг таъкидлашича, у ўз позициясини француз футболчисига аниқ етказган, бироқ якуний қарорни Упамекано ўзи қабул қилади. Ярим ҳимоячи назарида Мюнхенда қолиш энг тўғри йўл, чунки ҳозир «Бавария» таклиф қилаётган шартлар жуда жозибадор кўринади.
Упамекано 2021 йилда «Лейпциг»дан «Бавария»га 42 миллион евро эвазига ўтганди. Унинг амалдаги шартномаси 2026 йил 30 июнгача мўлжалланган. Жорий мавсумда ҳимоячи мюнхенликлар сафида 28 ўйинда қатнашиб, 1 гол урди ва 1 голли узатма берди.