Роналду қизи билан бирга спорт залида шуғулланди

Криштиану Роналдунing жуфти Жоржина Родригес ижтимоий тармоқларда янги сурат улашди. Кадрда португалиялик ҳужумчи спорт залида гантеллар билан машқ қилаётгани акс этган. Бу ҳақда euro-football.ru хабар беради.

41 ёшли футболчи ёнида унинг қизларидан бири ҳам бўлган. Қизалоқ ҳам гантел кўтариб турган, бироқ у кичик ва пушти рангли экан.

Жоржина суратга “Dada” деб изоҳ қолдирди. Аввалроқ у Роналдуга туғилган куни муносабати билан табрик ҳам йўллаган, бироқ пост футболчининг 41 ёшга тўлганидан бир кун ўтиб эълон қилингани эътибор тортган.

Шу билан бирга, Роналду “Ал-Наср”нинг бир нечта сўнгги учрашувларини ўтказиб юборди. ОАВда эса португалиялик футболчи клуб бошқарувидан норози бўлгани сабаб ўйинларни бойкот қилаётгани ҳақида хабарлар тарқалди.