«Монако» бош мураббий лицензияси йўқлиги учун жаримага тортилди
L’Equipe хабар беришича, «Монако» клуби бош мураббий Себастьен Поконоли билан боғлиқ масала туфайли йирик молиявий жаримага дуч келади. Бу ҳақда euro-football.ru хабар беради.
Манбага кўра, мутахассисда Лига 1да ишлаш учун зарур бўлган лицензия бўлмагани сабабли француз жамоаси 425 минг евро миқдорида жазоланади. «Монако» Поконоли бошчилигида ўтказилган ҳар бир ўйин учун 25 минг евро тўлайди ва жарима суммаси ҳозирча 425 минг еврога етиб улгурган.
Бельгиялик мураббий ўтган йили «Монако»ни бошқаришни бошлаган. Бугунги кунда жамоа 28 очко билан турнир жадвалида 10-ўринда бормоқда.