Киряков Сафонов дунёдаги энг кучли клубда ўйнаётганини айтди

“Гамбург”нинг собиқ футболчиси Сергей Киряков россиялик дарвозабон Матвей Сафоновнинг “ПСЖ”даги ўйинлари ҳақида фикр билдирди. Бу ҳақда euro-football.ru хабар беради.

Киряковнинг таъкидлашича, футболда баъзан умуман имкони йўқдек кўринади, бироқ вақт ўтиб кутилган имконият пайдо бўлади. Унингча, Сафонов учун айнан шундай лаҳза етиб келди ва у бу имкониятдан маҳкам ушлаб олди.

“Бу унинг пайти келди — финал, балки энг кучли мусобақа эмасдир, лекин у ўз имкониятдан фойдаланди. Энди энг қийини — шу даражани ушлаб қолиш. Кейин эса ҳаммаси вазиятга қараб кетади”, — дея Киряков сўзларини “RB Sport” келтирди.

Мутахассис Сафоновнинг келгуси истиқболи кўп жиҳатдан унинг психологиясига боғлиқлигини қайд этди. Чунки ҳозир у, Киряков фикрича, сайёрадаги энг кучли жамоада ўйнаётган бўлиши мумкин.

Эслатиб ўтамиз, мавсум давомида Сафонов “ПСЖ”нинг асосий таркибидаги ўрнини қўлга киритиб, Люка Шеваленини захирага ўтказди. Россиялик дарвозабон ҳисобида 7 та ўйин, 5 та ўтказиб юборилган гол ва 3 та “қуруқ” учрашув бор.