Жикия маош кечикиши сабаб клубини ўзгартириши мумкин
"Антальяспор"да тўп сураётган россиялик ҳимоячи Георгий Жикиянинг келажаги борасида унинг агенти Малик Арутюнов фикр билдирди. Бу ҳақда euro-football.ru хабар беради.
Агентнинг айтишича, футболчи маошлар кечикаётгани учун норози ва шу сабаб Россия Премьер-лигасидаги клублар вариантларини кўриб чиқмоқда. Маошлар ноябр ойидан бери ушланиб қолган, қолган жиҳатларда эса Жикия Туркиядаги шароитлардан мамнун.
32 ёшли ҳимоячи "Антальяспор" сафига ўтган йил ёзида қўшилган ва турк клуби билан икки йиллик шартнома имзолаган.
Жорий мавсум Туркия Суперлигасида Жикия 12 та учрашувда майдонга тушди, 2 та гол урди ҳамда 3 та сариқ карточка олди.