Жикия «Антальяспор»ни тарк этиши мумкин, сабаби айтилди
Россиялик ҳимоячи Георгий Жикиянинг агенти Малик Арутюнов футболчининг келажаги борасида фикр билдирди. Бу ҳақда euro-football.ru хабар беради.
Агентнинг айтишича, Жикия маош кечикаётгани сабаб Туркиядаги вазиятдан норози ва шу боис Россия Премьер-лигаси клубларидан тушаётган вариантларни кўриб чиқмоқда. Унинг таъкидлашича, маош ноябр ойидан бери ушланиб қолган, қолган жиҳатларда эса футболчи Туркияда ҳаммасидан мамнун.
32 ёшли ҳимоячи «Антальяспор» сафига ўтган ёзда қўшилганди. У турк клуби билан икки йиллик шартнома имзолаган.
Жорий мавсум Туркия Суперлигасида Жикия 12 та учрашувда майдонга тушди, 2 та гол урди ва 3 марта сариқ карточка олди.