«Милан» «Пиза» сафарида ғалабани зўрға илиб кетди

Серия Анинг 25-турида «Милан» сафarda «Пиза»га қарши қийин ўйин ўтказди ва якунда 2:1 ҳисобида зафар қучди. Бу ҳақда euro-football.ru хабар беради.

Биринчи бўлимда мезбонлар ҳужумларда фаоллик кўрсатди, бироқ «Милан» 39-дақиқада ҳисобни очди: Закари Атекаменинг ўнг қанотдан узатмасини Рубен Лофтус-Чик боши билан аниқ якунлаб, жамоасини олдинга олиб чиқди.

Иккинчи тайм бошида «Милан» яна бир бор гол урди, аммо Никлас Фюллькруг иштирокидаги эпизодда қўл билан ўйнаш қайд этилгани сабабли тўп бекор қилинди. Орадан кўп ўтмай Фюллькруг пенальти тепди, аммо зарба омадсиз чиқиб, тўп устунга тегиб майдонни тарк этди.

«Пиза» 71-дақиқада жавоб қайтарди: Филип Стоилковичнинг чап қанотдан узатмасидан сўнг тўп Страхинья Павловичдан қайтиб Фелипе Лойолага қулай тушди ва у жарима майдони ичидан ўнг бурчакка йўллаб, ҳисобни тенглаштирди.

Учрашув тақдирини 85-дақиқада Лука Модрич ҳал қилди. Тезкор ҳужумда Самуэле Риччи билан девор услубида ўйнаган Модрич жарима майдони марказига силжиб, оёқнинг ташқи қисми билан тўпни ўнг бурчакка жойлаб қўйди — 1:2.

90-дақиқада Адрийен Рабьо ҳакамга эътироз билдиргани учун кетма-кет иккита сариқ карточка олиб, майдондан четлатилди. Ғалабадан кейин «Милан» пешқадамдан беш очко орқада қолмоқда, «Пиза» эса турнир жадвалининг энг қуйи поғонасида очколарни бўлишиб турибди.