Головиннинг агенти қизил карточкадан кейин ҳам жамоа ёнида

«Монако» ярим ҳимоячиси Александр Головин «Нант»га қарши ўйиндан сўнг диққат марказида қолди. Футболчининг агенти Александр Клюев учрашувдаги вазиятлар юзасидан ўз фикрини билдирди. Бу ҳақда euro-football.ru хабар беради.

Франция чемпионатининг 22-тур баҳсида «Монако» 3:1 ҳисобида ғалаба қозонди. Головин ушбу ўйинда икки бор голга узатма берди, аммо баҳс давомида қизил карточка олиб, майдонни тарк этди.

Клюевнинг айтишича, ҳакамнинг моноколиклар фойдасига бўлмаган айрим қарорлари баҳсли кўринганига қарамай, Головин ҳам, бутун жамоа ҳам жуда яхши ўйин кўрсатган.

Агент «Монако» «Нант»дан анча устун бўлганини таъкидлади. Унинг сўзларига кўра, Головин майдондон четлатилгандан кейин ҳам жамоа муаммосиз ўйнаган, мураббийлар ва футболчилар эса Александрни қўллаб-қувватлаган. Жамоада муҳит яхши ва жипслик юқори экани ҳам қайд этилди.

Жорий мавсум 29 ёшли Головин барча мусобақаларда 25 та учрашувда қатнашиб, 2 та гол урди ва 4 та ассист қайд этди.