Мартинес Роналдунинг қачон фаолиятини якунлашини айтди

Португалия терма жамоаси бош мураббийи Роберто Мартинес Криштиану Роналдунг қачон футболчилик фаолиятига нуқта қўйиши мумкинлиги ҳақидаги саволга муносабат билдирди. Бу ҳақда euro-football.ru хабар беради.

Февраль бошида 41 ёшни қарши олган Роналду ҳануз юқори спорт формасида экани таъкидланди. Мартинес BBC билан суҳбатда унинг жисмоний кўрсаткичлари ҳали узоқ вақт ўйнашга етишини айтар экан, асосий мезон футболчининг ўзи қачон “вақт келди” деб ҳис қилишида эканини урғулади.

Мураббий фикрича, Роналду ўзига жуда талабчан: у жамоага энди фойда бера олмаётганини сезса, шундан кейингина тўхташ бўйича қарор қабул қилади.

Клуб миқёсида юлдуз ҳужумчи “Ал-Наср” шарафини ҳимоя қилади. Хабарларга кўра, у клуб бошқарувидан норози бўлгани сабабли бир неча учрашувни ўтказиб юборганидан кейин шанба куни яна таркибга қайтиши кутилмоқда.

“Ал-Фатех” — “Ал-Наср” баҳсини LiveResult сайти орқали матнли трансляцияда кузатиш мумкин.