Фабрегас Моратанинг четлатилишидан кейин кескин фикр билдирди
«Комо» бош мураббийи Сеск Фабрегас «Фиорентина»га қарши учрашувда Альваро Моратанинг майдондон четлатилиши юзасидан муносабат билдирди. Бу ҳақда euro-football.ru хабар беради.
Испаниялик ҳужумчи иккинчи бўлимда захирадан ўйинга қўшилди, бироқ якуний ҳуштакни кўрмади: учрашув охирида атиги икки дақиқа ичида иккита сариқ карточка олди. Иккинчи огоҳлантириш Моратага рақиб билан тортишув пайтида спортга хос бўлмаган хатти-ҳаракати учун кўрсатилди.
Фабрегас ўйиндан кейинги интервьюда кескин оҳангда гапирди: «Провокацияларга дош бера олмайдиганлар бошқа спорт турини танлагани маъқул. Мората каби тажрибали футболчидан кўпроқ нарсани кутаман», — деди у.
Ўйин «Комо»нинг 1:2 ҳисобидаги мағлубияти билан якунланди.