Спаллетти «Ювентус» мағлубиятидан кейин ҳакамга ташланди

Италия А сериясининг 25-тур марказий баҳсида Миланнинг «Интер» жамоаси Туринлик «Ювентус»ни қабул қилди. Учрашув «нерадзуррилар»нинг 3:2 ҳисобидаги голли ғалабаси билан якунланди. Бу ҳақда euro-football.ru хабар беради.

Финал ҳуштагидан сўнг «Ювентус» бош мураббийи Лучано Спаллетти ўйин ҳаками Федерико ла Пенна томонга кескин йўл олди. Мутахассис арбитрнинг ишидан кескин норози бўлгани Gazzetta dello Sport томонидан хабар қилинди.

Манбага кўра, томонлар стадионнинг тунел қисмида ҳам баҳсни давом эттирган ва у ерда кичик тортишув юзага келган. Вазият атрофида Жоржо Кьеллини ҳамда Дамйен Комолли ҳам кўрингани айтилмоқда.

Ушбу мағлубиятдан кейин «Ювентус» 46 очко билан А серияси жадвалида 5-ўринда бормоқда. «Интер» эса 61 очко жамғарган ҳолда пешқадамликни мустаҳкам ушлаб турибди.