Жезуш Роналдунинг кейинги ўйинда дам олишини айтди

“Ал-Наср” бош мураббийи Жорже Жезуш Криштиану Роналдунинг яқинлашиб келаётган учрашувни ўтказиб юборишига изоҳ берди. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигаси доирасида “Аркадаг” майдонига сафар қилади. Португалиялик юлдуз ҳужумчи тез орада майдонга қайтиши кутилаётгани айтилаётган бўлса-да, бу баҳсда у яна жамоага ёрдам бера олмайди.

“Жадвал жуда тиғиз. Шунинг учун Роналдуга ва асосий таркибдаги айрим футболчиларга дам беришга қарор қилдик — олдинда “Ал-Фатеҳ”га қарши муҳим ўйин бор”, — деди Жезуш. Унинг сўзларини Al Nassr Zone келтирди.

Мураббий, шунингдек, Роналдунинг Саудиядан ташқарида ўтадиган ўйинларда вақти-вақти билан қатнашмаслиги янгилик эмаслигини таъкидлади.

Саудия чемпионатидаги “Ал-Фатеҳ” — “Ал-Наср” учрашуви шанба куни, 14-февраль куни бўлиб ўтади.