Франсияда Сафоновнинг ПСЖдаги келажаги ҳақида фикр билдиришди

Франсиялик журналист Дориан Бонзома ПСЖ дарвозабони Матвей Сафоновнинг келгуси истиқболлари борасида ўз мулоҳазаларини айтди. Бу фикрлар парижликлар Лига 1нинг 22-турида “Ренн”га 1:3 ҳисобида кутилмаган тарзда ютқазган учрашувидан кейин янгради. Бу ҳақда euro-football.ru хабар беради.

Бонзоманинг таъкидлашича, Сафонов учта гол ўтказиб юборганига қарамай, у дарҳол асосий таркибдаги ўрнини йўқотиб қўйиши эҳтимолдан йироқ. Журналист “Ренн”дан учралган мағлубият ПСЖ учун ёқимсиз ҳолат бўлганини, бироқ бу натижа учун айнан Сафоновни айблаш ғалати эканини қайд этди.

Мутахассис фикрича, Сафонов Шевалье билан рақобатда ҳақли равишда устун келган, “Ренн”га қарши баҳсда ҳам муносиб даражани кўрсатган. Бонзома россиялик посбон жамоанинг биринчи рақамли дарвозабони бўлиб қолишига ишонмоқда.

17 февраль куни ПСЖ Чемпионлар лигаси плей-офф босқичи доирасидаги илк стик учрашувини “Монако”га қарши ўтказади. Ўйин 01:00 да (Тошкент вақти билан) бошланади.