Икарди «Эюпспор»га уч гол уриб тарихий рекорд қайд этди

Туркия чемпионатининг 22-турида «Галатасарай» «Эюпспор»ни йирик ҳисобда мағлуб этди — 5:1. Учрашув қаҳрамони аргентиналик ҳужумчи Мауро Икарди бўлди: у хет-трик расмийлаштирди. Бу ҳақда euro-football.ru хабар беради.

Ушбу уч гол Икардига клуб тарихидаги энг сермаҳсул легионер унвонини олиб келди. У илгари бу рўйхатда пешқадам бўлиб турган руминялик Георге Ҳаджидан (75 гол) ўтиб кетди ва «Галатасарай» сафидаги голлари сонини 76 тага етказди.

Умумий тўпурарлар рейтингида эса аргентиналик форвард ҳозирча еттинчи ўринда қайд этилмоқда. Эслатиб ўтамиз, Икарди 2023 йилдан бери «Галатасарай» шарафини ҳимоя қилади, ундан аввал у «ПСЖ»да тўп сурган.