«Болонья» «Торино» устидан ғалаба қозониб, омадсизликни тўхтатди

Италия чемпионатининг 25-турида «Болонья» сафардa «Торино»га қарши дадил ва тартибли ўйин намойиш этди. Бу ҳақда euro-football.ru хабар беради.

Учрашувнинг дастлабки бўлимида Жонатан Ру жарима майдони ташқарисидан йўллаган зарбаси билан ҳисобни очишга жуда яқин келди, бироқ тўп дарвозани салгина четлаб ўтди.

Иккинчи таймнинг 49-дақиқасида Ру қанотдан йўллаган узатмада тўп Никола Влашичдан қайтиб, дарвозага кириб кетди — 0:1. Кейинроқ Симон Зом дарвозабонни ҳушёрликка мажбур қилган вазият яратди. 62-дақиқада «Болонья» посбони Дуван Сапата зарбасини қайтарди, аммо Влашич такрорий уринишда ҳисобни тенглаштирди.

70-дақиқада эса Федерико Бернардески ҳужумни якунига етказиб берди: унинг пасидан сўнг Сантьяго Кастро гол уриб, меҳмонларга ғалабани тақдим этди — 1:2.

Шу тариқа «Болонья» кетма-кет тўртта мағлубиятдан кейин ниҳоят уч очкога эга бўлди ва турнир жадвалида саккизинчи ўринни бўлишиб турибди. «Торино» эса 14-поғонада қолмоқда.