Мартинович Ҳавертс билан майдонда кулгили суҳбатни эслади

«Қайрат» ҳимоячиси Александр Мартинович Европа Чемпионлар лигасидаги сўнгги ўйиндан кейин «Арсенал» футболчиси Кайо Ҳавертс билан бўлган қизиқарли суҳбат тафсилотларини айтиб берди. Унинг сўзларига кўра, лондонийлик футболчига Мартиновичнинг чеҳраси жуда таниш туюлган. Бу ҳақда euro-football.ru хабар беради.

Мартиновичнинг таъкидлашича, Ҳавертс: «Негадир юзингиз менга жуда таниш», деган. Бунга жавобан Александр аввалроқ «Байер»га қарши ўйинларда яхши чиқиш қилганини, кейинроқ эса Ҳавертс «Челси» сафида бўлган пайтда ҳам бир неча бор тўқнаш келишганини эслатган.

Шунингдек, Мартинович ўз коллекциясида Ҳавертснинг ўйин футболкаси борлигини ҳам қўшиб ўтди. Эслатиб ўтамиз, Александр аввал Россияда ҳам тўп суриб, «Краснодар», «Урал» ва «Рубин» клубларида ўйнаган.

Маълумот учун, «Арсенал» ва «Қайрат» январ охирида Чемпионлар лигаси умумий босқичининг сўнгги турида учрашган. Лондонда бўлиб ўтган баҳсда мезбонлар 3:2 ҳисобида ғалаба қозонган.