«Бока Хуниорс» спорт директори лавозимига Марсело Делгадо тайинланди

Аргентинанинг «Бока Хуниорс» клуби янги спорт директорини расман эълон қилди. Бу лавозимга Марсело Делгадо тайинланди ва у клуб президенти Хуан Рикельме билан яқин ҳамкорликда ишлайди. Эслатиб ўтамиз, Рикельме аввал «Барселона» сафида ҳам тўп сурган. Бу ҳақда euro-football.ru хабар беради.

Клуб таркибини тез фурсатда кучайтириш зарурати бор ва энди Делгадо ҳамда Рикельме ушбу йўналишда аниқ қарорлар устида ишлаши кутилмоқда.

Делгадо футболчилик фаолиятида ҳам салмоқли тажрибага эга: у 1995–2002 йилларда Аргентина терма жамоасида 18 та учрашув ўтказган, жумладан, 1998 йилги жаҳон чемпионати баҳсларида ҳам майдонга тушган.

2003 йилда эса у Либертадорес кубоги тўпурари бўлган. Делгадо бу унвонни «Сантос» ҳужумчиси, бразилиялик Рикардо Оливейра билан бирга қўлга киритган.