Трамп иштирокида Оқ Уйда UFC турнири ўтади
UFC ташкилоти раҳбари Дана Уайт Оқ Уйда режалаштирилаётган навбатдаги жанглар оқшомига тайёргарлик жараёнида АҚШ президенти Дональд Трамп ҳам бевосита иштирок этишини маълум қилди.
Уайтнинг сўзларига кўра, Крейг Борсари, у ҳамда UFC жамоаси Оқ Уйда бўлиб ўтадиган турнирнинг нафақат ташкилий жиҳатлари, балки жанглар картасини шакллантириш масаласини ҳам Президент Трамп ва унинг жамоаси билан биргаликда муҳокама қилмоқда. Шу мақсадда улар Вашингтонга сафар уюштирган.
“Биз бир нечта вариантларни кўриб чиқяпмиз. Учта асосий ғоя бор ва улардан қай бири Президентга маъқул келишини таҳлил қиламиз. Бу турнир ўзига хос, ноёб, махсус ва жуда қиммат тадбир бўлади”, — дея Уайтнинг сўзларини келтиради MMA Fighting нашри.
Маълум қилинишича, UFC томонидан Оқ Уй ҳудудида ўтказилиши режалаштирилган жанглар оқшоми 14 июнь кунига мўлжалланган.