Пименов Россия термасига ҳар қандай ўйин фойдали деди
Россия терма жамоасининг собиқ ҳужумчиси Руслан Пименов 2026 йил март ойида ўтказилиши кутилаётган BetBoom ўртоқлик учрашувлари бўйича эҳтимолий рақиблар ҳақида фикр билдирди. Аввалроқ россияликлар Мали ва Гватемала билан майдонга тушиши мумкинлиги хабар қилинганди. Бу ҳақда euro-football.ru хабар беради.
Пименовга кўра, хорижий терма жамоаларга қарши ўйинларнинг ҳар бири жамоага фақат фойда келтиради. У рақибнинг рейтинги ёки қайси ўринда тургани муҳим эмаслигини таъкидлаб, имконияти бор экан, кўпроқ ўйнаш ва тажриба тўплаш зарурлигини айтди.
Ҳозирда Мали FIFA рейтингида 54-ўринда, Гватемала 94-ўринда, Россия эса 36-поғонада қайд этилган. Россия термаси аввал бу икки жамоага қарши учрашув ўтказмаган.