Слуцкий бошқарувидаги «Shanghai Shenhue» АЧЛда ютқазиб қўйди
Осиё Чемпионлар лигасида етти турдан кейин «Shanghai Shenhue» плей-оффга чиқиш имкониятини бой берганди. Саккизинчи турда Леонид Слуцкий жамоаси «Buriram United»га қарши ҳеч бўлмаса турнир билан муносиб хайрлашишга уринди, аммо бу ҳам амалга ошмади. Бу ҳақда euro-football.ru хабар беради.
Учрашув 0:2 ҳисобида тайландликлар фойдасига якунланди. «Buriram United» илк бўлимнинг аввалидаёқ икки бор рақиб дарвозасини ишғол қилди, кейин эса «Shanghai Shenhue» бир футболчидан айрилиб, ўйиндаги интрига деярли сўнди.
Маълумот учун, Леонид Слуцкийнинг «Shanghai Shenhue» билан амалдаги шартномаси 2027 йил охиригача мўлжалланган.