Дел Пйеро Бастонининг узрини ижобий баҳолади

«Ювентус»нинг собиқ ҳужумчиси Алессандро дел Пйеро «Интер» ҳимоячиси Алессандро Бастонининг узр сўрашига муносабат билдирди. Аввалроқ Бастони жамоалар ўртасидаги сўнгги учрашувда «қари синьора» футболчиси Пйер Калулю майдондан четлатилганидан кейин ўзини жуда кескин тутгани учун танқидга учраган эди. Бу ҳақда euro-football.ru хабар беради.

Дел Пйеронинг айтишича, Бастонининг бу қадамини ижобий баҳолаш керак. «Бу — жуда яхши иш. Воқеадан кейин вазиятни ўлчаб кўриш ва хато қилганини тан олиш зарур эди. Бу унга ҳурмат келтиради. Ҳеч ким мукаммал бўла олмайди, аммо хатолар устида ишлаш орқали янада яхшироқ бўлиш мумкин», — дея дел Пйеронинг сўзларини TuttoJuve келтирди.

Эслатиб ўтамиз, «Интер» ва «Ювентус» ўртасидаги баҳс ўтган дам олиш кунлари бўлиб ўтди. Сафарда ўйнаган туринликлар 2:3 ҳисобида мағлуб бўлди.