Роналду Европанинг топ клубларига таклиф қилинмоқда, қўнғироқлар бошланди
Криштиану Роналду "Ал-Наср" билан келишмовчиликларни ортда қолдирди ва бойкотдан сўнг яна майдонга қайтди. Шунга қарамай, ёзда юлдуз португалиялик футболчи клубини ўзгартириши эҳтимоли бор. Бу ҳақда euro-football.ru хабар беради.
The Touchline хабарига кўра, агент Жорже Мендеш аллақачон Европанинг топ клублари билан боғланиб, 41 ёшли Роналдуни ёзги трансфер ойнасида таркибга қўшишни таклиф қилмоқда.
Бир неча йил аввал ОАВда Роналду "Манчестер Юнайтед"дан кетганидан кейин юзага келган келишмовчиликлар сабаб Мендеш билан ҳамкорликни тўхтатгани ҳақида ёзилганди. Бироқ Transfermarkt маълумотларида Криштиану ҳануз Мендеш агентлигининг мижози сифатида кўрсатилган.
Роналду ва "Ал-Наср" ўртасидаги амалдаги шартнома 2027 йилнинг ўрталаригача мўлжалланган.