«Брюгге» устози Леко «Атлетико»га қарши фақат ғалаба истайди

БЕЛГИЯнинг «Брюгге» жамоаси бош мураббийи Иван Леко ЕЧЛ плей-оффидаги илк учрашув олдидан фикр билдирди. Унинг шогирдлари 18 февраль куни Мадриднинг «Атлетико» клубига қарши майдонга тушади. Бу ҳақда euro-football.ru хабар беради.

Леко рақибни ҳурмат қилишларини, «Атлетико» футболчиларининг даражаси ва кучли томонлари яхши ўрганилганини таъкидлади. Шу билан бирга, жамоа мадридликларнинг заиф нуқталарини ҳам билишини айтиб, барча жиҳатларда юқори маҳорат кўрсатиш зарурлигини урғуллади.

Мутахассис майдоннинг ҳар бир қисмида жасорат билан ўйнаш кераклигини қайд этди, аммо тактик жойлашувда кескин ўзгаришлар бўлмаслигини билдирди. «Дуранг учун ўйнаймизми?» деган саволга эса у қатъий жавоб берди: мақсад фақат ғалаба.

Учрашув Тошкент вақти билан 01:00 да старт олади. Умумий босқич якунида «Брюгге» турнир жадвалида 19-ўринни эгаллаган бўлса, Ла Лига вакили «Атлетико» 14-поғонадан жой олган.