Денис Макаров кетма-кет икки ўйинни нима учун ўтказиб юборди
«Кайсериспор» вингери Денис Макаров Туркия чемпионатининг сўнгги икки учрашувида майдонга тушмагани сабабини изоҳлади. Бу ҳақда euro-football.ru хабар беради.
Футболчининг айтишича, у мушакдаги микро жароҳат туфайли икки ўйинни ўтказиб юборган. Ҳозир эса муаммо бартараф этилган: Макаров умумий гуруҳда чекловларсиз машғулот олиб бормоқда ва «Антальяспор»га қарши уй учрашувига тайёргарлик кўрмоқда.
Эслатиб ўтамиз, Макаров қишки трансфер ойнасида Москванинг «Динамо» клубидан эркин агент сифатида «Кайсериспор» сафига келиб қўшилган. Туркия клубида у ҳозирча битта ўйинда қатнашиб, натижали ҳаракатлар билан ажралиб чиқмади.
Суперлиганинг 23-тури доирасидаги «Кайсериспор» — «Антальяспор» баҳси 22 февраль куни бўлиб ўтади.