Роналду «Ал-Наср» мураббийидан уни асрашни сўради
«Ал-Наср» ҳужумчиси Криштиану Роналду яқин орада фақат муҳим учрашувларда майдонга тушишга тайёр. Бу ҳақда euro-football.ru хабар беради.
Манбаларга кўра, 41 ёшли футболчи бош мураббий Жорже Жезушдан ОФК Чемпионлар лигасининг ҳал қилувчи босқичлари бошлангунига қадар уни имкони қадар камроқ ўйинларда ишлатишни сўраган. Роналду ортиқча юкламадан қочиб, асосий беллашувларга максимал тайёргарлик кўриш ва мундиалга оптимал формада боришни мақсад қилган.
Жорий мавсумда португалиялик юлдуз «Ал-Наср» сафида 23 учрашувда 19 та гол урди. У Саудия Арабистони чемпионатининг энг яхши тўпурарлари рўйхатида Айван Тонидан кейин иккинчи ўринда бормоқда.