«Интер» Чемпионлар лигасида 12 йилдаги антирекордни қайд этди

Миланинг «Интер» жамоаси Чемпионлар лигасида кутилмаганда «Буде-Глимт»га имкониятни бой берди — учрашув 1:3 ҳисобида якунланди. Бу ҳақда euro-football.ru хабар беради.

«Нерадзуррилар» плей-офф йўлланмаси учун стик босқичининг илк ўйинини Норвегияда ўтказиб, мағлуб бўлди. Натижада италян гранди Чемпионлар лигасининг плей-офф босқичларида кетма-кет тўртта ўйинда 3 ва ундан кўп гол ўтказиб юборган тарихдаги иккинчи жамоага айланди. Аввалроқ «Интер» финалда ПСЖдан 5 та гол ўтказиб юборганди, шунингдек, ўтган мавсум ярим финалида «Барселона»га икки бор 3 тадан гол уришга йўл қўйганди. Ушбу йўналишдаги энг ёмон кўрсаткич Леверкузеннинг «Байер»ига тегишли — 2005–2014 йиллар оралиғида кетма-кет беш ўйинда шундай натижа қайд этилган.

«Интер» — «Буде-Глимт» жуфтлигидаги жавоб баҳси келаси сешанба, 24 февраль куни бўлиб ўтади.