Осимҳен «Галатасарай»дан мамнун, аммо грандлар қизиқиши бор
Ҳужумчи Виктор Осимҳен ҳозирча «Галатасарай»даги ҳаётидан мамнун ва клубини ўзгартириш зарурати борлигини ҳис қилмаяпти. Нигериялик футболчига жамоа муҳити ва таркиб ёқмоқда. Бу ҳақда euro-football.ru хабар беради.
Бироқ The Touchline хабарига кўра, ёзги трансфер ойнаси пайтида бир нечта топ-клуб Осимҳен бўйича қизиқиш билдириши мумкин. Ҳозирча аниқ мулоқот ёки музокаралар бошланганига доир маълумот йўқ.
Манбада таъкидланишича, эҳтимолий трансфер масаласи аввало футболчининг ўзи қандай қарор қабул қилишига боғлиқ бўлади.
Осимҳен «Галатасарай» сафида 64 та расмий ўйинда майдонга тушиб, 52 та гол урди ва 13 та голли узатмани амалга оширди.
Transfermarkt портали 27 ёшли ҳужумчини 75 миллион евроға баҳоламоқда.