Европа лигасида «Фенербахче» ва «Ноттингем» дуэли кутилмоқда

Европа лигаси плей-офф босқичининг илк баҳсида Истанбулнинг «Фенербахче» жамоаси «Ноттингем Форест»ни қабул қилади. Учрашув олдидан футбол шарҳловчиси Александр Елагин ўз фикрлари билан ўртоқлашди. Бу ҳақда euro-football.ru хабар беради.

Елагинга кўра, «Ноттингем» АПЛда қуйи поғоналарга яқин бўлса-да, Европа лигасида ўзини муносиб кўрсатяпти. У бўлажак ўйинда яққол фаворит йўқлигини таъкидлаб, голлар бўйича вариантни маъқул кўрди: унинг тахминича, баҳсда жами 2–3 та гол урилади.

«Фенербахче» — «Ноттингем Форест» учрашуви бугун, 19-февраль куни Истанбулдаги стадионда бўлиб ўтади. Старт ҳуштаги 22:45 да (Тошкент вақти билан) янграши режалаштирилган.