Радимов Италия терма жамоаси даражасини паст баҳолади
«Зенит»нинг собиқ ярим ҳимоячиси, ҳозирда футбол мутахассиси сифатида фаолият юритаяпган Владислав Радимов Италия футболи ва миллий терма жамоа ҳолати ҳақида фикр билдирди. Бу ҳақда euro-football.ru хабар беради.
Радимовнинг айтишича, Италия футболи ҳозир инқироз даврини бошдан кечирмоқда: клублар легионерлар ҳисобига қандайдир натижага эришаётгани мумкин, бироқ терма жамоа даражаси унингча анча паст. У, шунингдек, «Скуадра адзурра» ЖЧга чиқмай қолиш хавфи борлигини таъкидлади. Бу фикрлар «Матч ТВ» эфирида янгради.
Эслатиб ўтамиз, Италия терма жамоаси 2026 йилги жаҳон чемпионатига тўғридан-тўғри йўлланмани қўлга кирита олмади. Жьенаро Гаттузо бошқарувидаги жамоа йўлланма учун плей-офф учрашувларида иштирок этади.
2026 йилги мундиал ёзда Шимолий Америкада бўлиб ўтади. Нуфузли турнирни уч давлат — АҚШ, Канада ва Мексика қабул қилади.