«Бока Хуниорс» клубида янги спорт директори тайинланди

Аргентина гранди «Бока Хуниорс» спорт бўйича янги раҳбар номини эълон қилди — клубнинг спорт директори лавозимини эндиликда Марсело Делгадо эгаллайди. У жамоа президенти Хуан Рикельме билан яқин ҳамкорликда ишлайди. Бу ҳақда euro-football.ru хабар беради.

Клуб таркибини тез фурсатда кучайтиришга эҳтиёж сезмоқда ва Делгадо ҳамда Рикельме олдида айнан шу йўналишда муҳим вазифалар турибди.

Делгадо футболчилик фаолиятида ҳам ном қозонган: у Аргентина терма жамоасида 1995–2002 йиллар оралиғида 18 учрашувда майдонга тушган, жумладан 1998 йилги жаҳон чемпионатида ҳам иштирок этган.

Шунингдек, 2003 йилда Делгадо Либертадорес кубогининг энг яхши тўпурари бўлган — у бу совринни «Сантос» ҳужумчиси, бразилиялик Рикардо Оливейра билан бирга қўлга киритган.