Престианни УЕФАга Винисиусга нима деганини айтиб берди

УЕФА Чемпионлар лигасида «Бенфика» – «Реал» учрашувида юзага келган можаро юзасидан текширув олиб бормоқда. Баҳсдан кейин Винисиус Жуниор рақиб жамоа футболчиси Жанлука Престианнини ирқчилик оҳангидаги ҳақорат ишлатганликда айблаганди. Бу ҳақда euro-football.ru хабар беради.

ESPN хабарига кўра, Престианни УЕФАга кўрсатма берган. Аргентиналик футболчи испан тилида ирқчилик ҳақорати сифатида талқин қилинадиган «mono» сўзини айтганини қатъиян рад этди.

Унинг таъкидлашича, у «m» ҳарфи билан бошланадиган, талаффузи ўхшаш бошқа ҳақоратли сўзни ишлатган. Мазкур сўз эркакнинг ноанъанавий жинсий ориентациясига ишора қилувчи ҳақорат сифатида қўлланади, бироқ ирқчилик мазмунига эга эмас.

Қайд этилишича, эпизод пайтида Престианни оғзини футболкаси билан ёпиб олган, шу боис лаб ўқиш бўйича экспертларни жалб қилиш амалда самара бермайди.

Учрашувда «Реал» сафардa «Бенфика»ни 1:0 ҳисобида мағлуб этди.