Слуцкий бошқарувидаги «Шанхай Шэньхуа» ЛЧда мағлуб бўлди
«Шанхай Шэньхуа» Осиё Чемпионлар лигасида етти турдан кейин плей-офф йўлланмаси учун барча имкониятларини бой берди. 8-турда «Бурирам Юнайтед»га қарши баҳс эса Леонид Слуцкий жамоаси учун турнир билан хайрлашиш олдидан сўнгги уриниш бўлди, бироқ кутилганидек натижа чиқмади. Бу ҳақда euro-football.ru хабар беради.
Учрашувда тайландликлар 2:0 ҳисобида ғалаба қозонди. «Бурирам» биринчи бўлимнинг дастлабки дақиқаларидаёқ икки бор аниқ зарба йўллаб, ўйин тақдирини амалда ҳал қилди. Орадан кўп ўтмай «Шанхай Шэньхуа»нинг бир футболчиси майдондн четлатилиб, сон жиҳатдан кам қолганидан кейин интрига бутунлай сўнди.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.