Престианни УЕФАга Винисиусга айтган сўзини тушунтирди

УЕФА Чемпионлар лигасида «Бенфика» – «Реал» учрашувида юзага келган можарони ўрганмоқда. «Реал» вингери Винисиус Жуниор рақиб футболчи Жанлука Престианнини ирқчилик руҳидаги ҳақорат ишлатишда айблаган эди. Бу ҳақда euro-football.ru хабар беради.

ESPN хабарига кўра, Престианни УЕФАга кўрсатма берган. «Бенфика» футболчиси испан тилида ирқчилик ҳақорати сифатида талқин қилиниши мумкин бўлган «mono» сўзини айтганини қатъиян рад этмоқда.

Аргентиналик футболчининг таъкидлашича, у «m» ҳарфи билан бошланадиган, жарангдош бошқа бир сўзни ишлатган. Бу ҳам ҳақорат ҳисобланади, бироқ ирқчилик мазмунига эга эмас — у анъанавий бўлмаган жинсий ориентациядаги эркакка нисбатан айтиладиган сўз экан.

Қайд этилишича, можаро пайтида Престианни оғзини футболкаси билан ёпиб олган. Шу сабабли лаб ҳаракатларини ўқиш бўйича мутахассисларни жалб қилиш амалда фойдасиз.

Ўйин якуннда «Реал» сафарда «Бенфика»ни 1:0 ҳисобида мағлуб этди.