Макаров жароҳатдан фориғ бўлди ва умумий гуруҳда машғулот ўтамоқда
Қанот ҳужумчиси Денис Макаровнинг манфаатларини ҳимоя қилувчи агент Алексей Бабир мижозининг айни пайтдаги ҳолати ҳақида маълумот берди. Бу ҳақда euro-football.ru хабар беради.
Эслатиб ўтамиз, Москванинг «Динамо» клубидан Туркиянинг «Кайсериспор» жамоасига ўтган футболчи яқинда енгил шикаст олганди.
Агентнинг сўзларига кўра, Макаров тўлиқ тикланган ва бутун ҳафта давомида жамоа билан умумий гуруҳда тўлиқ юклама билан ишламоқда. У клубга тез мослашган, ўзини қулай ҳис қилмоқда, бироқ кичик жароҳат сабабли старт таркибидан жой олиш бироз кечиккан.
Маълумки, Макаров Туркия чемпионатида ҳозирча битта ўйинда майдонга тушиб, 30 дақиқа ҳаракат қилган.
Якшанба куни «Кайсериспор» Туркия чемпионати 23-тури доирасида «Анталяспор»га қарши баҳс ўтказади.