Мусиала Бундеслигадаги 100-ғалабасини расмийлаштирди
Бундеслиганинг 23-тур учрашувлари доирасида Мюнхеннинг «Бавария» жамоаси Франкфуртнинг «Айнтрахт» клубини 3:2 ҳисобида мағлуб этди. Учрашувни Жамал Мусиала асосий таркибда бошлади, бироқ гол ура олмади ва 77-дақиқада алмаштирилди. Бу ҳақда euro-football.ru хабар беради.
Мусиала учун ўйин шахсий жиҳатдан у қадар омадли ўтмаган бўлса-да, айнан шу натижа унга Бундеслигадаги 100-ғалабасини тақдим этди. 23 ёшга тўлишига атиги беш кун қолган ҳужумчи Бундеслига тарихида бу кўрсаткичга энг эрта етган футболчи сифатида рекорд ўрнатди.
Эслатиб ўтамиз, «Бавария» Германия олий лигаси турнир жадвалида ишончли тарзда пешқадамлик қилмоқда.